Bestillingsskjemaetunder blei publisert 12.00 fredag 6. november. Det blir teke vekk når det er utseld, potensielt med litt forseinking. Eg tek kontakt med dei som evt sender inn skjemaet for seint.

Per 18.00 sundag 8. november er det framleis att to av ti kastratar.

HEr står alt om årets dyr i 2026, forskjellen på kvige og kastrat etc.

Forøvrig står det meir generell informasjon nedanfor skjemaet.

Best mogleg kvalitet og smak er det me vil tilby. I tillegg er dyrevelferd og berekraftig produksjon det viktigaste for oss.

Kundane må kjøpe alt kjøttet frå eit kvart eller halvt dyr. Det er ikkje tale om høgre frampart etc. Alle kundane som får kjøtt frå same dyret får like pakker.

Kjøttet er ferdig skore opp i dei ulike stykningsdelane frå indrefilet til flatbiff, pluss ein heil del grytekjøtt og kjøttdeig (forholdstalet mellom dei to sistnemnde bestemmer kunden sjølv). Alt kjøttet er vakumpakka og merka.

Kjøttdeigen blir alltid frose. Resten får kunden som kjølevare, med mindre dei ikkje kan hente innan ca tre veker etter slakting.

Me brukar ikkje kraftfôr – dette er grasfôra kjøtt. (Me har heilt slutta å kjøpe kraftfôr. Men for å ha lokkemat til kyrne lagar me noko liknande sjølve av heimedyrka kveite og havsalt.)

Kor mykje kjøtt blir det?
I bestillingsskjemaet  står slaktevekta anslått for dei ulike typene, samt ca kor mykje kjøtt som blir utlevert . (Forskjellen er på ca ein tredjededel og bein, littegrann avskjer, og nokre kilo med vatn som fordampar medan skrottane heng til mørning.)

De kan velje mellom to typer oppdeling: standardoppdeling og spesialoppdeling, fyrst tek me for oss standardoppdelinga.

I standardoppdelinga blir typisk litt over halvparten kjøttdeig. Pakka i ca 500 grams vakumposar.

Om lag ein tredel er stykningsdelar: Indrefilet, ytrefilet, entrecote, mørbrad, lårtunge, bogsteik, rundbiff, bankekjøtt, culotte, flatbiff og høgrygg – alle stykningsdelane er utan bein. Desse blir pakka i den storleiken som stykningsdelen tilseier, men til dømes flatbiffen blir stort sett delt i fleire bitar.

Resten blir grytekjøtt, også pakka i ca 500 grams posar. Dette er dei stykkja som er «for fine» til å bli kjøttdeig.

Spesialoppdelinga inneheld alt i standardoppdelinga utanom at høgryggen kjem med bein.

I tillegg får du i spesialoppdelinga short ribs, brisket, flat iron steak, heil skank og flankebiff (sistnevnte med eit atterhald om at skrotten er eigna for å ta han ut).

Og altså, nøyaktig like mykje kjøtt som på standardoppdelinga, men med mindre kjøttdeig og grytekjøtt.

Prisen i 2026 blir kroner 235,- inkludert mva. per kg slaktevekt. Slaktevekta er vekta på skrotten før bein etc er fjerna. Vekta på det reine kjøttet kunden får er rundt 65-70 prosent av slaktevekta.  Altså blir den reelle kiloprisen høgare, rundt 350 per kg. (Men kunden får med bein/ feitt etc utan pristillegg)

Dyra blir slakta på Nortura sitt anlegg på Gol, ein fem minutt lang køyretur frå garden.

To-tre dagar seinare blir skrottane i 2026 tranportert til bedrifta Hallingdal lokalmatsenter i nabokommunen. Dei har mange års erfaring og tek seg av både mørning, partering, kverning av kjøttdeigen, vakumpakking og merking.

Eg har kjøle- og frysekapasitet i massevis på garden, så det meste blir utlevert herifrå. Men eg brukar også å ta ein tur til Oslo, der utlveringstidspunkt og -stad blir avklart med dei som ber om dette.

Alle kundane får tilsendt faktura i etterkant, på epost om ikkje anna blir avtala.

Forklaring av prissystemet

Du må kjøpe alt kjøttet frå kvart, halvt eller heilt ungdyr. Difor er det berre ein pris:

• Grasfôra økologisk storfekjøtt      235,- inkl mva per kilo slaktevekt

Det er viktig å merke seg at prisen er for slaktevekta.

Kilopris på det reine kjøttet blir dermed rundt 350 kroner inkludert mva.

Slaktevekta er vekta på den heile skrotten som blir lest av under klassifiseringa på sjølve slakteriet, rett etter slakting.

Totalvekta på sjølve kjøttet kunden får er rundt 65-70 prosent av slaktevekta. Legg ein til vekta på beina kjem ein nesten opp i slaktevekta att.

Årsaka til at eg lagar faktura basert på slaktevekta, er at denne er dokumentert både hjå slakteriet og i mitt kvalitetssystem. Dette er den vanlege måten å berekne pris på ved kjøp av heile, halve eller kvarte dyr.